थोरल्या सूनबाई - ४

अर्णवला मोठ्या शाळेत एडमिशन घ्यायचं, हे किती दिवस झाले चालले होते. नमिता चौकशी करून आलेली, पण विनायकला ऑफिसच्या कामातून वेळ मिळत नव्हता; त्यामुळे राहून जात होते. जेवण करता करता विनायकने बोलूनही दाखवले सगळ्यांसमोर. प्रीतीने सुद्धा कोणत्या शाळा चांगल्या आहेत याची यादी दिली, पण नमिताचे ठरले होते. अर्णव आता मोठा होतं होता, आई वडील म्हणून त्याच्याकडे लक्ष देणे गरजेचे होते. नमिता तिच्या परीने होईल तितकं सगळं बघत होती.