धागे नात्यांचे भाग -१

आज जयवंतरावांचा साठावा वाढदिवस ..मुल,सुना व नातवंडांना धुमधडाक्यात साजरा करायचा होता.जयवंतरावांनी आजवर भरपुर कष्ट उपसले होते व हे वैभव उभ केल होत...भारदार शरिर ,भारदस्त आवाज व सत्याचा वसा घेतलेले जयवंतराव पंचक्रोशीत नावाजलेली आसामी .मुल व संसार जसा गोकुळावाणी सांभाळला होता .आजुनही सारा कारभार त्यांच्या हाती होता ..तारामतींची साथ तर लाखमोलाची होती ..नितिन व सारंग जयवंतरावांच्या शब्दाबाहेर नव्हते...दोघांनाही वेगवेगळ्या व्यवसायात जयवंतरावांनी गुंतवून ठेवले होते ...सुनाही खाणदानी व चांगल्या घरच्या संस्कारी भेटल्या होत्या ...दृष्ट लागावी असा परिवार होता.कमी होती ती एका मुलीची पण सुना आल्यावर ती कमी भरून निघाली होती व नात दिशाच्या जन्माने तीही पोकळी भरून निघाली होती .