ती आणि तिचं कुटुंब - भाग 11

सासूबाई(मालती)- " हिचे नातेवाईक म्हणजे.. सगळा गाव मामाचा एक नाही कामाचा.. गर्भश्रीमंत नातेवाईक, कोणी आमदार, कोणी सुपर क्लास वन, कोणी अमेरिकेत, कोणी लंडनला, कोणी मुंबईत, कोणी पुण्यात.. एकाचा मेला साधा फोन नाही. ब्लॉक करतात फोन वर उगाच.... नुसते पैशाचे नातेवाईक.. ज्याच्याकडे पैसा त्यांची...... धुवून देतील. त्यांच्या पुढे पुढे.. गरीब वाटले तर थोबाड पाहत नाही.. श्रीमंत यांना काय पैसे काढून देतो का? काहीच कामाचे नाही. शून्य.. कार्यक्रमाला ना आमंत्रण, ना येणं.. सख्खे म्हणवणारे मामे, आत्ये, मावस सगळेच तसले. एका माळेचे मणी.. हे.. एक ना धड भारभर चिंध्या. छे. मालती ताई जोरात हात झटकतात. कलयुग हेच.. स्वार्थी, माणसं नको, उगाच फार बिझी दाखवतात असतील बिझी.. एक फोन नाही बहिणीला कधीच."