ती आणि तिचं कुटुंब - भाग 14

आई -(मालती) "अतिशय वाईट बाईच आयुष्य असचं असतं. अजिबात सोपं नाही. नवरा, सासर, कष्ट, अपेक्षा पूर्ण करा, सासुरवास, रांधा, वाढा, उष्टी काढा, एवढंच बंधन, धुणं,भांडी, स्वयंपाक, पाणी, पै पाहुणा, घर आणि घरातील कामं, खरं एकपण घर हक्काचं नाही, माहेरचे म्हणतील परक्याचं धन, सासरी तुम्ही परक्या घरातून आलेल्याच आयुष्यभर नांदून, धोबी का कुत्ता.... सणवार राबायचं तुम्ही, मुलांना जन्म द्यायचा, वाढवायचं. नाव तुमचं नाही. करा कष्ट व्हा नष्ट.... त्यात पाळी, बाळंतपण, आई होणं सोपं नाही.. शरीराने, कष्टाने.. मुलगाच पाहिजेच.. आपलं एवढं करून काय?शून्य. डॉक्टर आहे डेंटलची प्रॅक्टिस कर. काही करिअर कर. नाव कमव, घरचे सांभाळ दारचे सांभाळून. कितीही करा बोलणी, टोमणे, असतात. काही जणींना मार असतो येता जाता. तुला मारले का कधी? पण काही असो शिक्षण घेतले करिअर करच."