ती आणि तिचं कुटुंब भाग 15

स्वानंदी-"सुनीता ताई साठी त्यांच्या फर्माईश मुळे सासूबाई नी कढी, लापशी काय भारी केली बघा. आधी त्यांना दिले गरम गरम. सून आणि मुलगी यांच्यात किती फरक केला जातो. फेव्हरेटिझम, ग्रुपईझम आहे. हेवे दावे आहेत. राजकारण आहे. आपला तो बाप्या, लोकांची ती कार्टी असं आहे. सुनेला नियम,बंधन, कर्तव्य आणि मुलीला काहीच नियम नाही..असं आज फारच जाणवले. आपली जशी मुलगी आहे तशी सून पण कोणाची मुलगी आहे. जी आपल्या घरात राबते, वंश वाढवते ती काही मशीन नाही तिला ही भूक लागते. हे काहीच नाही. माझी आई असते मला आधी वाढले असते. या सासूबाई ना आई म्हणा आहो, जावो करा. त्या आई होतच नाही."