तिचे जग भाग 26

रेणुका म्हणाली मेघाला - बरं ऐक मग. एक राजा होता त्याची कन्या सावित्री उपवर झाली होती. खुप सुंदर, हुशार असते. राजा तिला वर निवडण्याचे स्वातंत्र्य देतो. सावित्री सत्यवानाची निवड करते. सत्यवानाचे आंध माता आणि पिता असतात. सत्यवानाच्या वडीलांचे राज्य हरवलेले असते. ते वनात रहात असतात. सत्यवान अल्पायुषी आहे हि गोष्ट नारदमुनीना महिती असते ते सांगतात सावित्रीला येऊन. एका वर्षाने त्या सत्यवानाचा मृत्यू होणार आहे. परंतु सावित्रीचा निर्णय ठाम असतो. मग सत्यवान आणि सावित्रीचे लग्न होते. वर्षाचा कालावधी जातो. सत्यवान वनात लाकडे तोडण्यासाठी जातो. सावित्री त्याच्या सोबत जाते. सत्यवान वडाच्या झाडावर चढून तोडणार इतक्यात त्याला चक्कर येऊन खाली पडतो. त्याचे प्राण घेऊन यम निघतात. सावित्री वडालाच विनंती करते तिच्या पतीच्या देहाचे रक्षण कर. सावित्री पतीव्रता असते. सावित्री यमाच्या मागे निघते.