तिची घुसमट..(भाग २)

"ह्या आजी एक, सतत या ना त्या कारणावरुन टोकत असतात मला. आठवड्यातले दोनच दिवस नवरा जवळ असतो पण त्याच्याशी धड बोलताही येत नाही की काहीच नाही. रात्रीची ती मिठीदेखील स्वर्गसुखासमान भासते. सगळं काही ठीक आहे पण नात्याची पण एक गरज असते ना, मानसिक समाधानाबरोबरच शारीरिक समाधानदेखील तितकेच गरजेचे असते नवरा बायकोच्या नात्यात. किती दिवस असं मन मारुन जगायचं? रात्री थोड्या जरी बांगड्या वाजल्या तरी आजी जणू काही मुद्दाम खोकलत बसतात. स्वयंपाक घरात झोपायचं म्हटलं तर त्याला दरवाजा नाही. आणि इतर कुठं झोपायची सोय नाही. दादांनी निदान घर पाहून तरी माझं लग्न लावून द्यायचं होतं."