तिची सल भाग ८

"बाळा, खूप दिवस झाले विचार करत होते सांगावं. मला काही राहवत नाही सांगतेच बघ. कांताच्या पोटात बाळ आहे. पाहिल्यांदाच ती आई होणार आहे. तिला समजत नाहीये की, सुरवातीचे महिने किती नाजूक असतात. फार काळजी घ्यावी लागते. खूप जपावं लागतं. उगाच कमी जास्त नको व्हायला. जरा जपून राहा, हळूवार पाऊलं टाकत जा , उठताना बसताना काळजी घे म्हंटलं तर ती काही ऐकत नाही. तिला राग येतोय. तुला तर माहीत आहे ती कशी बोलते. माझं तर ऐकत नाही; पण तुझं ऐकलं तर बघ. पोटात बाळ असतांना आईने जपावं लागतं. तसं ती काहीच करत नाही. बाळाच्या वाढीसाठी आहारात ज्या गोष्टी घ्यायच्या असतात त्या घे म्हंटलं तरी न ऐकल्यासारखी करते. फार काळजी वाटते."