तिची तपश्चर्या - भाग २९

काल‌ रात्रीच शकुंतला ताईंनी उमा आणि मानसला लवकर उठायला सांगितले होते. त्यांची कुलस्वामिनी दोन गावं सोडून होती. प्रवासात बराच वेळ जाणार होता म्हणून लवकरच निघायला लागणार होतं. दोघेही सकाळी खूप छान तयार झाले होते. उमाने राणी कलरच्या सिल्कच्या साडीला नेव्ही ब्लू कलरचे काठ असलेली साडी नेसली होती. तिच्या गोऱ्या रंगाला ती खूपच उठून दिसत होती. मानसने नेव्ही ब्लू कलरचा शर्ट आणि ग्रे कलरची पॅन्ट घातली होती. सकाळी फक्त चहाच पिऊन दोघं निघाले. वाटेतच काही खाऊ असं त्यांनी ठरवलं होतं. खरंतर देवदर्शनाला त्यांच्याबरोबर मानसचा भाऊ आणि वहिनी जाणार होते परंतु वहिनीला जरा बरं वाटत नव्हतं म्हणून ते दोघेच निघाले.