तिची तपश्चर्या - भाग ३०

देवदर्शन खूप छान उमाच्या मनाप्रमाणे झालं त्यामुळे ती खूप खुश झाली. मानस बरोबरच्या आयुष्याची सुरुवात देवीच्या आशीर्वादाने झाली. देवीला नमस्कार करताना उमाने प्रार्थना केली की मानस मला खूप समजून घेतोय, मला योग्य तो आदर देतोय पण त्याच्या मनात माझ्याबद्दल कधी ना कधीतरी प्रेमभावना निर्माण होऊ दे. उमाला कसलीच घाई नव्हती. पण तिला आत्मविश्वास होताच. अर्थात त्याचं प्रेम मिळवण्यासाठी ती काही वेगळे मार्ग अवलंबणार नव्हती एवढं निश्चित. प्रेम ही एक हळुवार भावना आहे जी नैसर्गिक रित्या एखाद्याच्या मनात उत्पन्न व्हायला हवी तरच ते शाश्वत असतं.