तिची तपश्चर्या - भाग ४७

असं म्हणते असं तिला मनोमन वाटत होतं आणि ते सत्यात उतरावं असंही एक मन आवर्जून सांगत होते. आपल्या मनातली ही इच्छा नक्कीच पूर्ण होईल असे एक मन तिला ग्वाही देत होतं दुसरं मन सांगत होतं की आता नंदिनी जिवंत आहे म्हणजे ते शक्य नाही. तिच्या मनाची द्विधा मनःस्थिती झाली होती. रस्त्यात एक चांगलं हॉटेल बघून ते दोघं नाश्त्यासाठी थांबले. दोघं एक छान जागा बघून बसले आणि मेनू कार्ड पाहत होते. इतक्यात तिथल्या वेटरने टीव्ही ऑन केला आणि काय योगायोग तर टीव्हीवर सुद्धा 'सट्टा बजार' सिनेमातील तेच गाणे लागलं होतं. दोघांनीही लगेच वळून तिकडे पाहिलं. हा योगायोग पाहून दोघेही हसू लागले.