तिची तपश्चर्या भाग ५७

मानस झोपल्यावर उमा तिथेच सोप्या वर बसून विचार करत होती खरोखर माणसांचा अभ्यास करणे किंवा वृक्ष वल्लरीचा अभ्यास करणे किती छान असेल नाही का.  प्रत्येक व्यक्ती समाजात वावरताना वेगवेगळ्या प्रकारेच वावरत असतात.  कधी कधी ती आपल्या स्वभावाविरुद्ध जाऊन सुद्धा वागत असते.  असं का होतं.  कदाचित त्या त्या प्रसंगाला तसं वागणं योग्य असावं असं वाटतंय. कधी कधी एखाद्याच्या मनातील भावना कितीही प्रयत्न केला तरी आपण जाणून घेऊ शकत नाही.  पण कधी कधी एखाद्याच्या मनातील भावना अगदी आरशात बघितल्या सारखे आपण लगेच वाचू शकतो.  असं जेव्हा होतं तेव्हा ती व्यक्ती नक्कीच साधीभोळी असते. जीच्या मनातील भावना कळत नाही ती व्यक्ती आतल्या गाठीची असते.