तिढा.. गूढ मृत्यूचे (भाग ६)

"मॅडम, शुक्रवारी दुपारी तिने तिच्या आईला फोन केला होता. दोन दिवस जोडून सुट्ट्या आल्यामुळे तिची आई तिला घरी येऊन जा, म्हणून आग्रह करत होती. पण, \"कालच माझी परीक्षा संपली त्यामुळे मला मित्र मैत्रिणींसोबत एन्जॉय करायचे आहे, मी पुढच्या आठवड्यात नक्की येईल घरी.\" असेही तिने तिच्या आईला सांगितले होते.
त्यातच \"आई आता दोन दिवस माझ्या फोनची काही तू वाट पाहू नकोस. वेळ मिळाल्यावर मीच करेल तुला फोन.\" असे सांगून आणि आमची खुशाली विचारुन तिने फोन ठेवला.
तरी आईचेच मन, न राहवून  काल तिच्या आईने तिला फोन केला होता पण तो लागलाच नाही. गेली असेल ही मैत्रिणींसोबत सिनेमाला वगैरे म्हणून मग आईनेही समजून घेतले. आणि आता बातमी वाचून आम्ही खूप वेळा तिला फोन लावला पण अजूनही फोन बंदच लागतोय."