संसार नावाच्या जंगलातील वाघीण 4

रिवा सर्व बायकांना घेऊन सरपंचकडे गेली. सरपंचने तोंडावर दारूबंदी मोहीमसाठी हो ला हो केलं. पण त्याला दारूवाला पैसा पुरवायचा तसंच दारू पाजली की माणसं खूश व्हायची. त्यामुळे प्रत्यक्षात तो काहीच करणार नव्हता. पण दारूवाल्याला गप्प काही बसवेना. शहरी शिकल्या सवरलेल्या बाईच्या नेतृत्वाखाली इतर बायका एकत्र आल्या, धरने केले, मोर्चे काढले तर आपलं काही खरं नाही. म्हणून त्यानं सरपंचचे कान भरले,
"सरपंच तुम्ही ऐका माझं ती पोरगी मोठा डाव रचतेय. तिची नजर तुमच्या सरपंच पदावर आहे. सात महिन्याने सरपंच पदाची निवडणूक आहे. हे ध्यानात ठेउन आली आहे ती इथे."