तिने त्याला बिघडवलं - भाग ७

देविकाच्या रूममध्ये प्रकाश मंद बल्बचा होता. साडी नीट घडी करून ठेवतांना तिचे हात थोडे थरथरत होते. हृदयाचा ठोका अजूनही समरजितच्या कटाक्षात अडकलेलाच होता. पाहुणे गेले होते, घर शांत झालं होतं, पण तिच्या मनात सगळीकडे आजच्या दिवसाचा धूसर गुलाबी रंग पसरला होता. मंदिरात त्याचं भेटणं आणि पूजेची थाळी अदला बदली होणं. खरं तर तिथेच नियतीने एकमेकांना भेटवलं होतं पण ओळखलं नव्हतं.