तिरस्काराचा शेवट गोड ४

"आशीष, बस कर आता. अरे, अवनीसारखी बायको तुला शोधून सापडणार नाही आणि तिच्या तब्येतीच म्हणशील तर ती एका लहान बाळाची आई आहे. हे विसरू नको. अरे, आकृती फक्त दीड वर्षांची आहे. आदेश सुध्दा लहानच आहे. अरे, मुलांचं करता करता दिवस निघून जातो तिचा. इकडे आकृतीचे कपडे बदलले की लगेच सू शी सुध्दा करते. ते आवरण्यासाठी तिचा बराचसा वेळ जातो. त्यामुळे ती व्यवस्थित तयार होऊ शकत नाही. ती दमते रे फार आणि साडी का घालते तर यावं उत्तर म्हणजे तिला बाळाला पाजतांना व्यवस्थितपणे पदर झाकता यावा म्हणून. अरे, कोणत्याही बाईला हौस नसते. उगाचच स्वतः च शरीर खराब करून घ्यायची. पण आई होण ही एक देणगी आहे. ती तुम्हा पुरूषांना नाही मिळाली. जगातलं सगळ सुख जरी समोर आलं ना तरी आईच सुख हे वेगळंच असतं. ते कोणत्याही बाजारात विकत मिळत नाही. तू तिचा तिरस्कार करतो, दुस्वास करतो. पण तिने जर आई होण्यासाठी नकार दिला असता तर तू सुध्दा बाप झाला नसता. तू आज जे तोंड मारत बाहेर फिरत आहे ना. एकदा विचार त्या नताशाला माझ्या बाळाची आई होशील का?"