तोच चंद्रमा नभात - भाग १

अभीचा आवाज ही खूप छान होता. गाणं गायला तर त्यालाही खूप आवडायचे. लहानपणी त्याचा क्लास देखील झाला होता गायनाचा, पण अभ्यास आणि करीयर घडवताना गाणे हळूहळू सुटत गेले. गायनाची आवड मात्र तो अजूनही जपून होता. आजुबाजूचे छान वातावरण आणि त्याचा मूड चांगला असेल तर त्याची मैफिल कुठेही सजायची. खास करून आता निधीसाठी तो गाणे म्हणायचा, कारण तिला आवडायचा तो तिच्यासाठी नेहमी गाणे गाताना.