तोच चंद्रमा नभात - भाग ९

"पप्पा, तुम्हाला दोघांना खरंतर विश्रांतीची गरज आहे. तुम्ही दोघे एक काम का नाही करत. मस्त कुठेतरी फिरून या. छान वेळ घालवा आणि मम्मीला त्रास देऊ नका. आजपर्यंत खूप केलंत माझ्यासाठी तुम्ही, आता तुम्ही एकमेकांना वेळ द्या. तुमचे आवडते छंद जोपासा, फिरायला जा. मम्मीला पण बरं वाटेल. मी होते तेव्हा काही वाटत नसेल पण आता मी नाहीये तिकडे तर घरात तिला खूप एकटं वाटण साहजिक आहे. मलाही काळजी वाटते तिची. तुम्ही बोलत जा तिच्याशी आणि हो भांडू नका तुम्ही दोघं. मला जेव्हा वेळ मिळेल तेव्हा मी येऊन जाईन घरी."
परी अगदी बरोबर बोलते.