आजकालची रीत-विभक्त कुटूंबपद्धती की एकत्र कुटूंबपद्धती?

" नमस्कार मॅडम.मी स्नेहा.मी माझ्या मैत्रिणीचे एक सत्य उदाहरण तुम्हाला सांगते.सोमेश आणि पूजा यांचे नवीन लग्न झाले.पूजा तशी वाणिज्य शाखेची पदवीधर होती,पण लग्नानंतर ती गृहिणी बनली.मग सासू-सासऱ्यांच्या साहजिकच तिच्याकडून अपेक्षा वाढल्या.मग दररोज काय नवीन मेन्यू बनवायचा हे तिला वेळापत्रकासारखे ठरवून देण्यात आले.घरातील संपूर्ण कामे तिच्याकडून केली जायची.जरा कधी ती निवांत बसली की सासू किंवा नणंद तिला काही तरी काम सांगून सतत व्यस्त ठेवायचे.त्यात सोमेश बाहेर गावी नोकरीला असल्याने तो पूजाला माझ्या घरच्यांना माझ्या विरहित नीट सांभाळ असे सतत सांगायचा.म्हणून पूजा सुद्धा तिच्यावर होणारा अन्याय नवऱ्याला वाईट वाटेल म्हणून सहन करीत होती. तसा सोमेश रविवारी न चुकता घरी यायचाच.अशातच अती कामाच्या ताणामुळे तिला लवकर दिवस राहत नव्हते.घरातले तिला राब-राब राबवत आहेत,हे सोमेशच्या लक्षात आले.
त्याने त्वरित पूजाला आपल्यासोबत नोकरीच्या गावी शिफ्ट केले.त्याने तिथे व्यवस्थित ट्रीटमेंट घेतली.त्यानंतर त्यांना दोन मुली झाल्या.पण पूजाची सासू मात्र मुलींना सांभाळायला आली नाही.इतक्या दिवस ज्या सासू सासऱ्यांसाठी,ज्या कुटुंबासाठी पुजाने आपले कष्ट दिले ते आता कोणीही तिच्या मदतीला पुढे येत नव्हते.कारण त्यांनी तिला गरज सरो वैद्य मरो या उक्ती प्रमाणे , तू तुझे बघून घे आम्हाला म्हातारपणात आता मुलांना सांभाळणे कठीण जाते,असे सांगितले. सोमेशला मात्र त्याच्या आईवडिलांचा आता खूप राग आला होता पण शेवटी जन्मदाते असल्याने तो त्यांच्यापुढे हतबल होता.शेवटी त्याने व पुजाने आळीपाळीने आपल्या मुलींना सांभाळायचे ठरवले.मग आता सांगा असे आजी आजोबा काय कामाचे? इथे नॉर्मल मुले आजकालच्या आजी आजोबांना सांभाळण्यास जड होतात,तर स्पेशल किंवा मतिमंद मुलांना सांभाळणे तर यांच्याकडून अगदी अशक्यप्राय गोष्ट आहे.या स्पेशल मुलांच्या आई वडिलांना विशेष करून आईला मात्र सासू सासरे असूनही संसार सांभाळत,नाती जपत कठीण मातृत्वाची अग्नीपरिक्षा द्यावी लागते,हे मी माझ्या दुसऱ्या मैत्रिणी बाबत पहिले आहे."