लहानपणी आम्ही नागपूरला, सोनेगाव स्थित आमच्या एका नातलगाकडे गेलो. त्यांचे घर नागपूर एअरपोर्टच्या अगदी जवळ. 2002-2003 चा म्हणजे वीस बावीस वर्ष पूर्वीचा काळ तो. नातलगाचा मुलगा आम्हाला दोन माणसं बसतील असे छोट्या विमानाचे रिपेरिंग सेंटर की काय होतं ते आठवत नाही. पण छोटी विमानं होती तिथे. ते दाखवायला घेऊन गेला. मात्र माझं संपूर्ण लक्ष वेधलं ते त्याच परिसरातील पांढऱ्या शुभ्र चाफ्याने. मी इतरांसोबत ती विमानं पाहायचं सोडून चाफ्याची फुलं गोळा केली. असलं आमचं ध्यान.
फुलं आमचा वीक पॉईंट. फुलांचे फक्त व्हिडीओ किंवा फोटो पाहून आमचं मन भरत नाही. त्यांना प्रत्यक्ष पाहून, हात लावून, त्यांची कोमलता अनुभवून मग आम्ही समाधानी होतो. यावर्षी बुरांश म्हणजेच rhondodenron बद्दल इंस्टाग्राम व फेसबुक द्वारे बरंच ऐकण्यात व बघण्यात आलं. कुतूहल जागृत झालं. आम्ही गुगल बाबाकडे या rhondodenron / बुरांश बद्दल विचारना केली. तेव्हा कळले की बुरांश हे उत्तराखंडचे राज्य फुल आहे. तेथील लोकांसाठी या फुलाचे फार महत्व आहे. बुरांशच्या फुलांच्या पाकळ्यांचा ज्यूस बनवण्यात येतो जो पचनशक्ती वाढवतो.
पण दरवर्षी एप्रिल एंडिंगला उगवणारे बुरांश ग्लोबल वार्मिंग मुळे होणाऱ्या क्लाइमेट चेंजचा परिणाम, यावर्षी बुरांश मार्च महिन्यातच उगवले व लवकरच सर्व झडून जाईल. एप्रिल महिन्याचा अंत व्हायला आलेला. मात्र आम्हाला बुरांश याचवर्षी पाहायचे होते. बुरांश फुलांना प्रत्यक्ष हातात घ्यायचं होतं. पण ते इतकं सोपी नव्हतं हं. त्यासाठी आम्हाला नागपूर वरून उत्तराखंड किंवा हिमाचलवारी करावी लागणार होती. नाहीतरी मुलाला सोबत घेऊन कुठेतरी ट्रेकिंगला जायचेच होते. मग गहन अध्ययन करून आम्ही चोपटा तुंगनाथ चंद्रशिलाला गेलो. तिथे हे बुरांशचे जंगल डोळ्यांनी बघितले. फुलांना हातात घेतलं. एक वेगळीच अनुभूती झाली.
गर्द लाल, फिक्कट गुलाबी, पांढरे अशी तीन प्रकारची फुलं आमच्या पाहण्यात आली. निसर्ग कसं करत असेल ना हे सगळं? इतकी किमया कशी सुचत असेल त्याला? बरोबर शिशिर ऋतुच्या शेवटी व वसंत ऋतुच्या सुरवातीला हा फुलांचा सोहळा सुरु होतो अन पृथ्वी तलावर आपल्या भारत भूमीवर नैसर्गिक रंगांचा सोहळा सुरु होतो. त्यांना पाहुनच होळीची संकल्पना निर्माण झाली असेल का?
तुम्हाला काय वाटतं? बरं या बुरांश फुलांची माहिती कोणाकोणाला आहे? कमेंट करून नक्की सांगा.
माझ्या अशाच माहितीपूर्ण लेखासाठी मला फॉलो नक्की करा.
धन्यवाद.
©®अर्चना सोनाग्रे
©®अर्चना सोनाग्रे