अस्तित्वाचा शोध भाग अंतिम

काही वर्षांपूर्वी माझी आई आणि आजी जेव्हा फिरायला गेल्या होत्या. त्यांना एक लहान बाळ रस्त्यावर सापडलं. त्यांनी त्या बाळाच्या आईबाबांचा शोध घ्यायचा खूप प्रयत्न केला. पण जणूकाही ते गायबच झाले होते. मग नियमांप्रमाणे त्या बाळाला ताब्यात घ्यायला अनाथाश्रमाची माणसं आली. पण आईने लहानपणापासून अनाथ होण्याचं दुःख अनुभवलं होतं. अठराव्या वर्षी अनाथाश्रमातुन बाहेर पडल्यावर स्वतःच्या कुटुंबाचा, स्वतःच्या आईबाबांचा शोध घ्यावा लागला तिला. स्वतःच्या अस्तित्वाचाच शोध घ्यावा लागला, तर काय वेदना होतात हे तिला माहीत होतं. त्यामुळे तिचा निर्णय पक्का होता. तिने त्या बाळाला दत्तक घ्यायचा निर्णय घेतला. आजीने पण तिला पूर्ण साथ दिली. सगळी कायदेशीर प्रक्रिया पूर्ण करून त्या बाळाला घरी घेऊन आल्या.