ट्रेंडिंग लव हॅशटॅग - स्वररागिणी (भाग - पंधरा )

"खर सांगायचं तर वसूला माझी स्तुती करण्याची संधीच हवी असते एकदा तीला संधी मिळाली की तीला रात्र देखील पुरतं नाही. असो मी काही मोठी व्यक्ती नाही एक साधारण आयुष्य जगणारी व्यक्ती आहे. पहिले सुद्धा मी असाच होतो गाण्यावर प्रेम करणारा आनंदाने आपलं आयुष्य जगणारा पण ते म्हणतात न. "जीथे आपल्याला सगळ चांगलच दिसत असत तिथे काही तरी चुकीचं हे घडतच असत. मी माझ्या कुटुंबा बरोबर मित्र मैत्रिणींन बरोबर खुप सुखी होतो. पण एक क्षण माझ्या आयुष्यात असा आला ज्याने माझ आयुष्यच बदलून टाकलं तो क्षण म्हणजे माझ्या भूतकाळात झालेली एक चूक. त्या दिवशी माझ्या एका मित्राने माझ्यासाठी सक्सेस पार्टी ठेवली होती आम्ही मोजकेच त्या पार्टीला जमलो होतो आणि त्याच पार्टीत मला कुणी तरी ड्रग्ज चा ओव्हर डोस दिला आणि कायम देतच राहिले जो पर्यंत मला त्याची सवय लागली नव्हती. काही दिवसातच मी ड्रग्जच्या पूर्ण आहारी गेलो होतो आणि त्यातच मी एका मुलीच्या आयुष्याशी देखील खेळून बसलो आणि त्यातच मी माझ पूर्ण आयुष्य हरवून बसलो. पण जेव्हा मी भानावर आलो तेव्हा आयुष्यात फक्त अंधार उरला होता आज ही मला त्याची खंत वाटते आणि स्वतःचा राग ही येतो हा विचार करून की आपण असे या सगळ्यात कस काय अडकलो पण ते म्हणतात ना "चुकीची वेळ कधी ही सांगून येत नसते हे आपल्या वर असत आपण किती अलर्ट राहतो." त्या दिवशी ती एक चूक माझ्या हातून झाली नसती तर आज चित्र काही वेगळच असत. तर हे आहे माझ आजपर्यंत मी लाईम लाईट पासून दूर राहण्याच कारण. " स्वराजने सांगितलं