तू दुर्गा तू स्वयंसिध्दा - समर्पण -भाग 2

शालिनीने सकाळची दोन जवळचीच स्वयंपाकाची कामे धरली. कल्पनाचे क्लास सुरू होण्याआधी ती घरी येऊ लागली. तसेच दुपारची पण दोन कामं तिने धरली. कल्पनाची पण वेळ सांभाळली जात होती. शालिनीला कामही करायला मिळत होतं आणि स्वराचं पालनपोषण पण नीट होत होतं. कल्पनाच्या क्लासमध्ये एक मुलगी यायची तिची सावत्र आई होती. ती तिला खूप त्रास द्यायची म्हणून ती कल्पनाच्या घरी जास्त राहायची. ती सुद्धा स्वराला खेळवायची. हळूहळू स्वरा मोठी होत होती. अगदी तान्ही असल्यापासूनच तिच्या कानांवर संगीताचे स्वर निनादत होते. त्यामुळे आपसुकच तिच्यात संगीताची आवड निर्माण झाली.