तू ही आधी मुलगा होतास..(भाग:३ अंतिम)

"अरे अजित मुलांना प्रेमाने जोपासावे रे. ते जेव्हा कधी ते चुकत असतील त्या प्रसंगी कठोर बोलावं, एखादा फटका पण द्यावा.‌ शिस्त, बंधन असावे रे पण ते अति असू नये. मी पाहत आलोय की तू त्याला न विचारताच कितीतरी गोष्टी त्याच्या मनाविरुद्ध करतोस. तो लहान होता तेव्हा ठीक होतं, नंतर त्याला समज आल्यावर तरी तू त्याच्यावर गोष्टी न लादता कलेने घ्यायला हवं होतंस. त्याला चित्रकला आवडते, तो गिटार ही छान वाजवतो, अर्थात तुला त्याच्या या आवडी व छंद माहितीच नसतील. त्याची आवड निवडही लक्षात घ्यायला हवे ना. त्या उलट त्याला जे आवडत नाही तेच जर तू करायला सांगशील तर तो कसा घडणार? परिणामी त्याला कोणत्याही गोष्टीत रस उरणार नाही आणि तो काही बोलला की मघ दमदाटी करून त्याला फैलावर घ्यायचासं, नाही तर श्रीमुखात फडकावयचास. मघ पुढे तोही काही विचारायचा नाही. "