तू ही आधी मुलगा होतास.. (भाग:-२)

"समजावून सांगितले असते ऐकला असता तो? मलाही काही हौस नाही हो बाबा, त्याला मारायची.
आताच त्याला नाही वठणीवर आणले तर पुढे दहावी, बारावीत काय दिवे लावेल तो ? काय कमी आहे त्याला ? सगळ्या विषयांसाठी क्लासेस आहेत, पाहिजे ते पुरवतो, मागेल ते ती वस्तू पुढ्यात देतो. जीभेचे चोचलेही पुरवतो की. त्याच्या सगळ्या इच्छा, अपेक्षा मी पूर्ण करतो तर मग त्या बदल्यात मी त्याच्याकडून चांगल्या मार्कांची अपेक्षा केली तर बिघडले कुठे? एवढेही तो पूर्ण करू शकत नाही का?" अजितचा आवाजात थोडा कातर झाला होता.