तू तेव्हा तसा..

समीरा..एका साध्या मध्यमवर्गीय कुटुंबातील मुलगी. घरातली परिस्थिती अगदीच ओढगस्तीची नसली तरी खाऊनपिऊन सुखी कुटुंब. हुशारी आणि कष्टाळू वृत्ती याच काय त्या तिच्या जमेच्या गोष्टी. समीरा दिसायला सुंदर होतीच.. पण सौंदर्य मिरवण्यासाठी नसते यावर विश्वास असणारी. त्यामुळे कॉलेजमध्ये ती बरी आणि तिचा अभ्यास बरा हीच तिची वृत्ती होती. तिचा मैत्रिणींचा ग्रुप होता तो ही तिच्यासारखाच अभ्यासू मुलींचा. तिची हुशारी हेरली तिच्या कॉलेजच्या मॅडमने आणि त्यांनी तिला आग्रह केला इंटरकॉलेज वादविवाद स्पर्धेत भाग घेण्यासाठी. तिथे तिच्यासोबत होता कॉलेजचा दुसरा स्पर्धक अनिश.