तूच माझी राधा
भाग ३०
मागील भागात आपण पहिले कि,
" अमोघ, काय रे तूला काय वाटतं तिचं काय मत असेल ?"
" काय माहित, उद्या फिरायला गेल्यावर कळेल. चला आपल्याला मावशी कडे जायचय. आता रात्रीचा विचार करं. मग पुढचं... "
" हो आता असलेला क्षण जगून घेऊ. " असं म्हणून निघाले.
दोघेही मावशीकडे आले . ते येईपर्यंत प्रिया आणि राधा मनमोकळ्या गप्पा मारत होते . आणि मावशी, आई आणि राधाची आई गप्पा मारत स्वयंपाक करत होत्या . रोहन आणि बाबा निवांत बसले होते .
नंदन आल्या आल्या काकांच्या पायापडून त्यांच्या शेजारी बसला . तर इकडे रोहन आणि अमोघ दोघे शेजारी बसून हळू हळू बोलत होते .
" रोहन , बघितलं का काकंवर कसे प्रभाव पाडणं चालू आहे . हा काय तुझ्या बहिणीला सोडत नसतो . " असं म्हटल्यावर दोघेही हसायला लागले . नंदन ने लगेच त्याच्याकडे बघितले .
सगळे नंतर वेगवेगळ्या गोष्टीवर गप्पा मारत होते . मध्ये मध्ये नंदनचं लक्ष सगळ्या घरात फिरत होतं पण त्याला काही राधा दिसत नव्हती . स्वयंपाक झाला म्हणनून आई आणि सगळया जणी बाहेर येऊन बसल्या . सगळे छान एकत्र गप्पा मारत होते तर आतून हसण्या खिदळण्याचा आवाज येत होता . हा आवाज ऐकून आईच्या मनात विचार येऊन गेला 'चला घर यामुळे हसायला लागले . पण राधा आणि नंदन तयार होतील का ?"
सगळे जेवायला बसले . गप्पा, जेवण कमी पण अमोघ , रोहन आणि प्रिया यांची मस्ती चालू होती. मध्ये मध्ये दोघांना चिडवणं चालूच होता . या चिडवण्याची मज्जा नंदन घेत होता पण राधा ला ते ऐकून जेवणाचं जात नव्हतं . म्हणून ती माझं झालं म्हणत उठून गेली . आई, बाबा तिच्याकडे बघत होते . लगेच मावशी म्हणाली , " अहो ताई , ती अशी का उठून गेली ? जेवलीच नाही काही ?"
" अहो , आम्ही मगाशी थोडं खाल्लं होतं त्यामुळे भूक नसेल बहुतेक . तुम्ही जेवा सगळे . मी बघते तिच्याकडे . "
हे बोलणं चालू होत तोपर्यंत नंदनने प्रिया ला मेसेज केला तो मेसेज बघून प्रिया म्हणाली , " काकू तुम्ही थांबा मी जाते . तुम्ही जेवा . "
सगळ्यांचं जेवण झाल्यावर प्रियाचा मेसेज आला तसा तो खीर वाटीत घेऊन त्या झोपाळ्यावर बसल्या होत्या तिकडे आला . त्याची चाहूल लागली तसं प्रिया मी आलेच असं म्हणून तिथून सटकली.
राधा परत आपल्याच विचारात गुंग झाली. नंदनने तिच्यासमोर वाटी केली . तेव्हा ती भानावर आली. तीने एकदा वाटी कडे तर एकदा नंदन कडे बघत होती.
नंदनने तिला डोळ्यांची सांगितले वाटी घे म्हणून तीने पण लगेच ती वाटी घेतली. नंदन हळूच म्हणाला, " मी इथे बसू शकतो का ? "
तीने मानेने होकार दर्शविला. काय बोलायच?कसं बोलायच? याचा विचार करत दोघेही शांत बसले होते.
शेवटी वाट बघत नंदन म्हणाला, " तू एवढी शांत का आहेस ? तू अशी नाहीयेस ?तू तुझा मूळ स्वभाव बदलू नको आणि एक मी म्हणतोय म्हणून होकार द्यायची घाई करू नकोस . नीट वेळ घेऊन विचार कर. "
हे ऐकून राधा मूळ रूपात प्रगट झाली अन् म्हणाली, " पण मी होकार च देईन हे कस काय तूम्ही ठरवता. माझ्यावर जबरदस्ती करणार ? माझ्या भावाला सांगून त्याला तुमच्या बाजूने केलं म्हणजे लगेच होकार देईल असं नका समजू. " तिचा अवतार बघून नंदन हसू लागला.
ती लगेच म्हणाली, " हासताय काय ?"
" हसू नाहीतर काय करू? मी कुठं म्हटलं तू होकारच देणार आहे. मी फक्त मी म्हटलं म्हणून हो देऊ नकोस एवढंच म्हटलं"
राधा थोडी शांत होत म्हणाली, " मग तुम्ही हासलात का ?"
" तू मूळ रूपात आलेली पाहून. "
ह्या दोघांच बोलण चालू होतं तर झाडाच्या मागे उभे राहून रोहन, अमोघ आणि प्रिया त्यांच्याकडे बघत होते. प्रियाने लगेच एक दोन फोटो काढून घेतले.
" मूळ रूपात म्हणजे ?"
" आज दिवसभर तुला असं शांत बघवत नव्हतं. हा तुझा स्वभाव नाही . तू कायम तुझा मूळ स्वभावात राहा कारण तो तुला शोभतो पण आणि पुढे तू ज्या क्षेत्रात उतरणार आहे त्याला पण "
" तुम्हाला एक विचारू ?"
" विचार कि . मला तू बोलणंच अपेक्षित आहे . "
" समजा मी तुम्हाला नकार दिला तर .. "
" आपण चांगले मित्र मैत्रीण राहू. आणि मुळात नवरा बायको व्हायच्या आधी चांगले मित्र मैत्रीण होणार त्यांचाच संसार सुखाचा होता असं आई म्हणते . "
" अच्छा . आई म्हणते . "
" आणि एक उद्या तू फिरायला म्हणून बाहेर पडणारेस तर मोकळ्या मनाने फिर . सगळ्याचा आनंद घे . मी आहे म्हणून कोणतंही दडपण घेऊ नको . "
" हो पण त्यासाठी तुम्हाला एक काम करावे लागेल . "
आता हि मला नको येऊ म्हणते कि काय असा विचार त्याच्या मनात आला . म्हणून त्याने भीतभीतच विचारले , " काय करावे लागेल ?"
तिने हात पुढे करत म्हणाली , " मित्र ?"
त्याने पण आनंदाने हात पुढे करत म्हणाला, " मित्र "
तेवढ्यात प्रिया आवाज देत आली , " दादा , ए दादा तुम्हाला आत बोलवलय . "
" हो चला तुम्ही पुढे मी आलोच . "
आता बघूया पुढच्या भागात फिरायला गेल्यावर काय होतंय ? तुम्हाला कशी वाटली ती सांगा .
क्रमश :
सौ . चित्रा अ . महाराव
Download the app
आता वाचा ईराच्या कथा सोप्या पद्धतीने, आजच ईरा app इंस्टॉल करा