तूच माझी राधा
भाग ३७
अमोद आणि राधा कामात मग्न होते. ती खूप बारीक बारीक चौकशी करत होती . अमोद पण तिला हवे ते सगळं पुरवत होता . मध्येच अमोद ला काय वाटलं काय माहित पण तो म्हणाला , " मॅडम , मी आपल्यासाठी कॉफी आणतो . तोपर्यंत तुम्ही दोघे बोला . " असं म्हंटल्यावर नंदन आणि राधा एकदम दोघेही डोळे मोठे करून अमोद कडे बघू लागले .
" अरे म्हणजे , तुम्ही पुढचं काम बघा , मी आपल्यासाठी कॉफी घेऊन येतो . "
दोघांनी मानेनेच होकार कळवला .
अमोद बाहेर गेला आणि लगेच एक फोन लावला . " हॅलो , तू कुठे आहेस ? "
" कॉलेज मध्ये . का ? "
" आताच्या आता ऑफिस मध्ये ये ?"
" पण काय झालाय ?"
" आल्यावर सांगतो. लगेच निघ . " असं म्हणून अमोदने फोन ठेवून दिला आणि कॉफी आणायला गेला .
अमोदच्या मानत खूप प्रश्न होते . त्याचा विचार करूनहि उत्तर मिळत नव्हती . त्या विचारातच त्याने कॉफी बनवायला सांगितली . आणि तो तिथेच बसून विचार करायला लागतो .
इकडे दोघेही बराच वेळ शांत बसून होते . कोण आधी बोलतोय याची वाट बघत होते .
शेवटी हि काही बोलणारच नाही आपणच बोलूया असा विचार करून त्याने आवाज दिला , " राधा "
अन तिने लगेच डोळे मिटून घेतले . तिच्या मनात आले किती दिवस झाले या हाकेसाठी कान आसुसलेले होते . आज खरंच पूर्ण झालं .
आणि नंदन ची हि अवस्था काही वेगळी नव्हती . त्याने ' राधा ' असा आवाज दिला ना तेंव्हाच त्याची धडधड वाढली होती . ती धडधड बहुतेक तिचा आवाज ऐकूनच शांत होईल असं वाटल्यामुळे त्याने पुन्हा " राधा " आवाज दिला .
यावेळेला ती भानावर आली आणि फक्त डोळे वर करून त्याच्याकडे बघायला लागली .
" अगं मी विचारात होतो कि तू पुण्यात कधी आली ?"
" झाले ४ वर्ष मी पुण्यातच आहे . "
" काय ? ४ वर्ष ?" जोरातच नंदन ओरडला .
" तू मग काहीच संपर्क नाही केला ?"
" नाही केला . "
" अगं तेच विचारतोय का नाही केला ?"
" या विषयावर बोलून काही उपयोग नाही . माझं काम झालय मी निघते आता "
" अगं थांब . "
तिने डोळेच मोठे केलं आणि हा बघतच राहिला . मग भानावर येऊन म्हणाला , " अगं अमोद कॉफी आणतोय तर थांब . असं म्हणत होतो . "
तिने फक्त मानेनेच होकार कळवला आणि ती पुन्हा फाईल वाचू लागली . मग नंदन हि शांत बसून आपलं काम करू लागला .
राधा विचार करत होती , " खरंच नंदन च लग्न झालं असेल का ? आपल्याला जो फोन आला होता तसेच असेल का ? आपण इतके दिवस लांब राहिलो पण आता ? याला आपल्याबद्दल काही वाटत असेल का ?" मध्येच तिचे लक्ष समोर जाते . तर तो लॅपटॉप मध्ये खूप एकाग्र होऊन काम करत होता .
" आता तर तो जास्तीच हँडसम दिसायला लागला आहे . त्याच्या घाऱ्या डोळ्यात विसरून जाते स्वतःला त्यामुळे मी अजूनही त्याच्याकडे बघायला घाबरते . आपल्या डोळ्यात काही दिसू नये म्हणून तिने त्याकडे न बघण्याचा निर्णय घेतला. आता आपल्याला जरा जपूनच राहावं लागेल . "
तेवढ्यात प्रिया कॉफी घेऊन ओरडत आत आली , " अरे दादा , कोण आले आहे रे आपल्या ऑफिस मध्ये ?" असं म्हणतच ती दादाच्या समोरच उभी राहिली . तिच्यामागे अमोद उभा होता .
नंदन अमोद कडे बघतच प्रियाशी बोलला , " तू कधी आली ? आणि तुला कोणी सांगितलं ग हे सगळं ?"
" ते जाऊदे . मला सांग तरी "
सगळा गोंधळ बघून राधा च म्हणाली , " हाय प्रिया ."
तिला आवाज ओळखीचा वाटलं पण तिला आठवेना म्हणून तिने विचार करत तशी थांबली .
ती तशीच थांबलेली दिसल्यावर राधा ने पुन्हा आवाज दिला , " प्रिया "
या आवाजावर ती भानावर येऊन तिने राधा कडे बघितलं अन जोरात ओरडली , " राधा , तू ?" लगेच तिच्या जवळ जाऊन तिला मिठीच मारली . या मिठीत काय नव्हतं प्रेम, दुरावा अन तू परत येशील असा विश्वास . "
नंदन च्या मनात विचार आला , ' जशी प्रियाने तिला मिठी मारलीय ती मला पण मारता आली असती तर मी पण तिला दाखवू शकलो असतो आज ही मी तुझीच वाट बघतोय . पण .... '
राधा च्या मनात विचार आला , " आता जर आपण इथे थांबलो तर सगळे मिळून मला विचारतील आणि मी आता काहीच सांगू शकत नाही . आपण इथून निघूयाच ."
" प्रिया मी आता निघते . मला खरंच खूप काम आहे आणि माझे सर पण वाट बघत असतील . "
" अगं थांब . "
" नको . मला खूप उशीर झालंय . " असं म्हणून ती निघून पण गेली . तिघेही तिच्याकडे बघतच राहिले .
प्रिया म्हणाली , " हि मी आले तर अशी का निघून गेली . दादा , तुमच्यात काही झाली का ?"
" आमच्यात काहीच नाही झालं . मी तर तिला काहीच नाही बोललो . "
तिघांच्या मनात हि अशी का गेली ? याची शंका निर्माण झाली . हिच्या मनात काय चालू आहे ? विचारातच ते तिघेही खुर्चीवर बसून कॉफी घेतली तरी त्यांना कळली नाही .
शेवटी प्रिया म्हणाली , " आता तू काय करणारेस दादा ?"
मी काय करणार या अविर्भावात तो दोंघांकडे बघू लागला अन म्हणाला , " तुम्ही पण सोडून द्या विषय ती फक्त तिचं काम करायला आली होती हे लक्षात घ्या . आणि आपल्या कामाला लागा . " असं म्हणून तो लॅपटॉप वर काम करू लागला . अमोद आणि प्रिया एकमेकांकडे बघून आता काय ? अमोद डोळ्यांनीच प्रियाला म्हणतो , " आपण बाहेर जाऊया . "
एकदा प्रिया नंदन कडे बघून बाहेर आली .
बघूया पुढच्या भागात अमोद आणि प्रिया काय करताय ते ?
क्रमश :
सौ . चित्रा अ. महाराव
Download the app
आता वाचा ईराच्या कथा सोप्या पद्धतीने, आजच ईरा app इंस्टॉल करा