तूच माझी राधा
भाग ३९
काम करता करता कधी संध्याकाळ झाली कळलंच नाही . ६ वाजता दोघेही घरी जायला निघाले . नेहमीप्रमाणे दोघांना एकमेकांबरोबर जायचे नव्हते . त्यामुळे काय करायचं याचा विचार करत बसले होते .
जवळ जवळ अर्ध्या तासाने नंदन म्हणाला , " मला जरा बाहेर जायचंय तर तू आज तुझा तू जा . "
अमोदला पण जायच होत त्यामुळे त्याला काहीच प्रश्न विचारले नाही . तो पण लगेच गेला . नंदन ला आश्चर्य वाटलं पण तो काहीच बोलला नाही . तो पण लगेच निघाला .
तो निघून आज जिथे ४ वर्षांपूर्वी राधा बोलली तेंव्हा दिवसभर जाऊन बसला होता तिथेच आला होता .
तळजाई च्या टेकडी वरून सूर्यास्त बघत होता . त्याच्या मनात विचार आला , ' सूर्य चालला तसं राधा पण जाणार का ? आज पर्यंत मी फक्त या आशेवर होता तो जसा उद्या परत उगवणार तसं राधा कधी ना कधी माझ्याकडे येईल पण आज तर तिने मला ओळखच नाही दाखवली . छातीवर बोट ठेऊन म्हणाला इथे आज मला खूप दुखलं . काय करू राधा म्हणजे माझी होशील ग . ?
खूप वेळ तसाच सूर्याकडे बघून डोळ्यातून आसवांना वाट करून देतो . किती वेळ झाला ते त्याला कळलेच नाही.
फोनच्या आवाजाने तो भानावर आला .
" हॅलो "
" हॅलो , मी श्रीकांत बोलतोय . आपण आज रात्री भेटतोय नेहमीच्या कॅफेवर . "
" मला नाही जमणार . मी जरा बाहेर आलोय . बाय " त्याने पुढचं काही ऐकायला नको म्हणून लगेच फोनच ठेवून दिला .
अरे हा असा काय आहे . थांब मी अमोद ला सांगतो म्हणजे तो घेऊन येईल . असं मनात म्हणून त्याने अमोद ला फोन लावला सुद्धा .
" हॅलो अमोद ."
" हॅलो , बोल श्रीकांत ."
" आज आपण नेहमीच्या ठिकाणी भेटतोय . मी नंदनला फोने केला होता पण तो नाही जमणार म्हणाला . तर तू त्याला घेउन ये . "
" अरे मला पण आज नाही जमणार आपण उद्या भेटू . "
" अरे पण ..... "
या दोघांचं चाललंय काय ? जाऊदे आत्ता उद्याच बघू .
श्रीकांत आपल्या कामाला निघून गेला .
प्रिया आणि अमोद नेहमीच्याठिकाणी होते .
" आता काय करायचं " दोघेही एकदम म्हणाले .
अमोद लगेच खुश झाला , अन लाडात येऊन म्हणाला , " प्रिया , आपलं किती छान जुळतं ना ?"
" ओ साहेब , पृथ्वीवर या . आता आपण आपल्याबद्दल नाही तर दादा आणि राधा बद्दल बोलायला आलो आहे . "
" अरे हो की . थांब विचार करूया पुढे काय करता येईल . "
" आपण तिच्या ओळखीचे शोधूयात का तिच्या ऑफिस मध्ये जाऊन ."
" नको . उगाच नंदन ला कळलं तर . त्यापेक्षा आपण त्याच्या भावाला फोन करून विचारू . "
" हो चालेल . अशी हि आपल्याला काकूंसाठी चौकशी करायची आहेच ना ?"
" हो . मी फोन लावते . "
दोघांनी एकमेकांकडे बघून मनात देवाचा धावा करत फोन लावला
" हॅलो , रोहन का ?"
" हो रोहन बोलतोय . "
" मला तुमच्या रिसॉर्ट बद्दल चौकशी करायची होती . "
" हो. तुम्हाला कधी किती जणांसाठी हवी आहे ?"
त्यांचं सगळं सविस्तर बोलणं झालं. आणि शेवटी रोहन म्हणाला , " तुमचं ठरलं कि सांगा. ठेऊ फोन ?"
" नको ."
" म्हणजे ?"
" हॅलो रोहन , मी अमोद बोलतोय . नंदन चा मित्र . आठवलं का ?"
" अरे हो आठवलं बोल की ."
अमोद अडखळत अडखळत म्हणाला , " मी ... म्हणजे मला ..... "
" अमोद , काय झालय .? नंदन ला काही झाली का ?"
" नाही नाही ... ते ... "
" अमोद , जे काय असेल ते बोल "
" अरे , आज ना सकाळी राधा आमच्या ऑफिस मध्ये एका कामासाठी आली होती . "
" मग "
" ती अचानक आली त्यामुळे आम्हाला काही प्रश्न पडलेत ?"
" हो मला मिठीत आहे ती आलेली . मला सकाळीच राधाने सांगितलं ."
" हो का . मला तुला विचारायचं होत कि ... "
" ऐक . मी उद्या येतोय . राधाने पण मला बोलावलं आहे . मग समोरासमोर बोलू . "
" चालेल. हे योग्य राहील . "
" मी आधी राधाशी बोलतो . मग तुम्हाला भेटतो ."
मध्येच प्रिया म्हणाली , " दादा , ते राधाचं लग्न झालाय का ?"
" नाही. "
हे उत्तर ऐकून दोघांनी रोखून धरलेला श्वास सोडलेलं.
" चालेल . दादा . तुम्ही उद्या आल्यावर आपण नक्की भेटू. "
" रोहन , मी तुला दुपारी फोन करतो . बाय "
" हो चालेल. बाय "
रोहन ने जसा फोन ठेवला . तसे बाबा म्हणाले , " काय झालं कोणाचा फोन होता ?"
" अहो . चौकशी साठी फोन होता ?"
" हो का मग तू तर उद्या पुण्याला चाललायस तर कोणाला भेटू म्हणत होता ?"
" अहो उद्या मी नाही कोणाला भेटत . ती लोकं पुढच्या आठवड्यात येणारेत तर तेंव्हा भेटू म्हणालो . "
" अच्छा . तू उद्या राधाकडे जाणारेस तर तिला परत एकदा समजावं लग्नाचं . "
" हो बोलतो . "
दोघेही आपापल्या विचारात कामाला निघून गेले .
इकडे दोघांना राधाचं लग्न झालं नाही ऐकून खुप बरं वाटलं . पण आता आपल्यालाच काहीतरी करावं लागणार . यासाठी दोघेही विचार करू लागले .
नंदन खूप अंधार पडलाय आता घरी जायला पाहिजे असा विचार करून निघण्यासाठी उठला . थोडा पुढे आला तर त्याला अमोदचा फोन आला .
" हॅलो . कुठे आहेस ?"
" घरी चाललोय . "
" तुझा आवाज असा का येतोय ? काय झालं ?"
" काही नाही . दमलोय . तू बोल का फोन केला होता ?"
" काही खास नाही . तू घरी गेलास का ते विचारायला फोन केला होता . "
" नको काळजी करू. मी ठीक आहे . घरीच चाललो आहे . भेटू उद्या "
" हो सावकाश जा. भेटू "
दोघांनी फोन ठेवला. नंदन घरी निघाला
अमोद प्रियाला म्हणाला , " नंदन घरीच येतोय . तू पण घरी जा . आणि बोल त्याच्याशी . "
" चालेल . बाय "
सगळे सगळे आपापल्या विचारात घरी गेले .
बघूया पुढच्या भागात काय होतंय ते ?
क्रमश :
सौ . चित्रा अ. महाराव
Download the app
आता वाचा ईराच्या कथा सोप्या पद्धतीने, आजच ईरा app इंस्टॉल करा