तूच माझी राधा
भाग ४४
राधा रोहन सांगत असताना रोहनचा फोन वाजला म्हणून तो बोलत बोलत बाहेर आला . " हॅलो "
" हॅलो . भेटायचे ना ४ वाजता ."
" नको . "
" का "
" म्हणजे आता ४ वाजता नको तर संध्याकाळी भेटू . मी आता राधाशी बोलतोय तर माझं झाले कि भेटू. मी तुम्हाला आधी तसा मेसेज करतो . पण कितीही उशीर झाला तरी नक्की भेटू . ठेऊ . "
" हो . चालेल. भेटू लवकरच "
तो फोन ठेऊन आता आला तर राधा खिडकी पाशी उभी राहून विचार करत होती . तो तिच्या शेजारी उभी राहून म्हणाला , " बोल , असं का सांगून आली होती . "
" आपण फिरून आलो ना त्यादिवशी मला एक फोन आला आणि ... "
" कोणाचा फोन ? काय बोलणं झालं ?"
तिने मोठा श्वास घेतला आणि बोलायला सुरूवात केली , " त्यादिवशी मला एक अनोळखी नंबर वरून फोन आला होता . "
" अनोळखी . नक्की सांग काय आहे ते ?"
" सांगते . ऐक .
" हॅलो राधा का ?"
" हो राधा बोलतीय . आपण कोण ?"
" मी श्रावणी , नंदनची मैत्रीण . "
" अच्छा . बोला माझ्याकडे काय काम होत . मी तर तुम्हाला ओळखत नाही . "
" हो. ओळखत नाही . पण मी तुला ओळखते . बर ते जाऊदे . मी काय सांगतीय ते ऐक . "
" पण मी का तुमचं ऐकायचे . माझा तुमच्याशी काय संबंध ? "
" तुझाच तर संबंध आहे . तू उगाच प्रश्न विचारू नको . मी काय सांगतीय तेवढंच करायचं आणि तेवढाच बोलायचं ."
" कोणाशी बोलायचं आणि काय करायचं ?"
" कोणाशी काय नंदन शी . "
" नंदनशी . मग मी तुम्ही सांगेल तेवढंच का बोलेन . मला जे बोलायचे आहे ते मीच बोलीन ना . "
" ए गप्प . मी सांगतोय तेच बोलायचे आणि तू तसेही बोलशील कारण .... "
" कारण काय ?"
" कारण तुला तुझे आई वडील आता इथून तुमच्या गावाला जाऊ वाटत असतील तसेच आई बाबा व्यवस्थित हवे असतील तर मी सांगतीय ते ऐक . "
" बोल . मी काय करायचे आहे ?"
" फार काही नाही. त्याला लग्नाला होकार कळवायणा नाही. "
" मी असं केल तर तुमचा काय फायदा ?"
" त्याच्याशी तुझं काही घेणं देणं नाहीये. मी जेवढं सांगितले तेवढचं करायचं. " हे बोलून तीने फोन ठेऊन दिला.
" एवढं सगळं झालं राधा एवढ्या वर्षात एकदाही बोलली का नाही ?"
" मी काय म्हणून सांगू ?"
" अगं बाळा स्वतः ला एवढा त्रास करून घेण्यापेक्षा काय ते तेंव्हाच खरं समजलं असतं . बर ते झालं आता . मला एक सांग आज तुला अचानक कसे सांगावे वाटले ?"
" ते .... "
" मागच्या आठवड्यात कामानिमित्त मी नंदनच्या ऑफिस मध्ये गेले होते . तेंव्हा त्याच्या नजरेत तू का गेली असा प्रश्न दिसत होता . पण मी त्यावेळी अनोळखी नजर दाखवली त्यामुळे तो विषय तिथेच संपवला . पण .... " असं म्हणत ती शांतच झाली . पुढे काहीही बोलतच नव्हती .
तो शांत पणे तिचे निरीक्षण करत होता . रोहनला वाटले तिला तिचा अजून वेळ द्यावा म्हणून तो तिला म्हणाला , " राधा बाळ , फार विचार करून नकोस . थोडावेळ विश्रांती घे . ये माझ्या मांडीवर डोकं ठेवून झोप ये . "
तिला पण खूप आधाराची गरज होती . गेली चार वर्षे स्वतःला भक्क्म दाखवून तीपण आता थकली होती . त्यामुळे लगेच दादाच्या मांडीवर डोकं ठेवून पडली. डोळ्यातून अश्रू तर वाहत होते . रोहन पण प्रेमाने तिच्या डोक्यावरून हात फिरवत होता .
खरोखरच आई वडिलांनंतर भाऊच आपला आधार असतो . आणि त्यात पण रोहनसारखा कायम पाठी उभा राहणारा असेल तर विचारायला नको .
दोघंही आपल्या आपल्या परीने विचार करत होते . रोहनच्या पण डोळ्यात पाणी आलं होतं पण त्याने शिताफीने पुसून काढलं . तिला विचार करता करता तिला कधी झोप लागली कळलं च नाही .
तिला शांत झोपवून रोहन खोलीतून बाहेर आला आणि त्याने अमोदला लगेच फोन लावला .
" हॅलो , अमोद , रोहन "
" हॅलो बोल ना ."
" आपण एक तासाभरात भेटूया का ? तुम्हाला शक्य आहे का ? "
" हो हो . भेटू . मी तुला पत्ता पाठवतो. तू तिथे ये . आम्हीपण येतो . "
" चालेल . " असं म्हणून रोहनने फोन ठेवून एकदा राधाला बघून आला तर ती शांत झोपली होती . तिचा फोन चा आवाज कमी करून तो बाहेर आला. बाहेर येऊन भांडभर पाणी पिला . तेंव्हा कुठे त्याला जरा बर वाटलं . आपल्याला पोचायला उशीर नको होयला म्हणून तो लगेच बाहेर पडला .
बाहेर पडल्या पडल्या त्याने बाबांना फोन केला . त्यांना सगळं व्यवस्थित आहे . काही काळजी करू नका . मी दोन दिवसात येतो असं सांगून फोन ठेवला .
इकडे अमोद ने प्रियाला फोन करून भेटायचे आहे तर तू निघ . मी इकडून निघतो .असं सांगितलं . अमोद आणि नंदन एकत्रच काम करत होते त्यामुळे नंदन सगळं ऐकत होता. त्याच पूर्ण लक्ष अमोद कडेच लक्ष होत .
प्रियाशी बोलून तो नंदन कडे बघितलं तर नंदन च लक्ष आपल्याच कडे आहे बघून तो नंदनला म्हणाला , " आम्ही आधी तिघे भेटतो . मग तुला फोन करतो मग तू ये . "
" चालेल. "
अमोद ने मानेनेच होकार देत तो निघालाच होता तर नंदन ने आवाज दिला , " अमोद "
अमोद वळून त्याच्याकडे बघू लागला तर नंदन ने त्याला एक घट्ट मिठी मारली. अमोद ने त्याला अश्वस्त केले आणि तो निघून गेला .
नंदन तिथेच विचार करत होता . काय होईल याचा ????
तुम्हाला काय वाटतंय ? काय होईल ? ती श्रावणी काय करेल ?
बघूया पुढच्या भागात
क्रमश :
सौ , चित्रा अ. महाराव
Download the app
आता वाचा ईराच्या कथा सोप्या पद्धतीने, आजच ईरा app इंस्टॉल करा