तुझ्याविना जगणार? भाग १

ती जीव तोडून बोलत होती आणि तो ऐकून न ऐकल्यासारखा करत होता. जीव जडला होता तो मिनाक्षीवर जी त्याच्या ऑफीसमध्ये काम करायची. तिच्या प्रेमाने त्याला इतकं वेड लावलं होतं की, तो विसरून गेला त्याचा संसार आहे. नेहा सारखी जीव लावणारी बायको आहे, एक मुलगा आहे. त्याच्या डोळ्यावर झापड आली होती. त्याला फक्त मीनाक्षी हवी होती आणि मिनाक्षीला स्वराजचा पैसा. श्रीमंत होता तो आणि  दिसायला देखणा. तिला ऐशो आरामात आयुष्य घालवायचं होतं ते ही स्वराजच्या जीवावर. त्यासाठी ती कोणत्याही थराला जायला तयार होती. हळूहळू तिने स्वराजला गोड बोलून प्रेमात ओढलं. तिच्या सुंदर रूपाने त्याला भुरळ घातली. काय जादू केली होती तिने माहीत नाही? पण तो तिच्या प्रेमात इतका बुडाला होता की, त्याचा संसार तो विसरला होता.