तुला जपणार आहे भाग २

"पाचवी सहावीत असेल मी. मॅथ्स, सायन्सच्या ट्युशनला जायचे. कॉलनीत राहणाऱ्या एका दादासोबत पाठवायचीस तू मला. येता जाता तो दादा, मला खूप घाण घाण प्रश्न विचारायचा. सायन्सच्या पुस्तकात माझ्या अभ्यासाचा विषय आहे म्हणायचा. माझ्या शरीरात होणाऱ्या बदलांवर प्रश्न विचारायचा. एकदा तर त्याने माझ्या छातीला हात लावला... दुखलं होतं मला खूप? मला खूप अवघडल्यासारखं झालं होतं तेव्हा, मी घरी आल्यावर, तुला सांगितलं. तू त्याला काहीच बोलली नाहीस. तू माझी ट्युशन सोडलीस आणि कुणाला यातलं काही सांगू नकोस म्हणून ही बजावलं होतं."