तुम दे ना साथ मेरा.. ४०

स्वराजने एका दमात आपलं म्हणणं सांगून टाकलं. अधिरा स्तब्ध होऊन त्याच्याकडे आश्चर्याने पाहतच बसली. काय बोलावं तिला समजेना. महिनाभराच्या एकत्र काम करण्याने तिलाही स्वराज आवडू लागला होता. पण तो असा काही प्रस्ताव ठेवेल असं तिला वाटलंच नव्हतं. ती काही क्षण गप्प राहिली. तिच्या मनात तोच स्वराज उभा होता, जो तिला ऐकून घेत होता. तिला कमी न लेखणारा, शांतपणे आधार देणारा स्वराज तिला प्रपोज करत होता. तिच्या चेहऱ्यावर आनंद पसरला. पण दुसऱ्या क्षणात तिचा चेहरा खाडकन उतरला.