तुम दे ना साथ मेरा.. १६

माधवराव विचारात गढून गेले. लग्नघर म्हटल्यावर अजून जवळचे काही नातेवाईक थांबले होते. लग्नानंतरच्या विधी करण्यासाठी लगबग सुरू होती. घरात वर्दळ, गजबज होती; पण स्वराज, नंदिनी आणि माधवराव या तिघांच्या मनात कल्लोळ माजला होता. माधवराव आपल्या खोलीत एकटेच बसले होते. त्यांना काहीतरी आठवलं. ते खुर्चीतून उठले आणि कपाट उघडून आत ठेवलेली जुनी फाइल त्यांनी उघडली. प्रतापचा फोटो त्यातून बाहेर डोकावला. क्षणभर हात थबकले.