तुम दे ना साथ मेरा.. ५

“मी या घटस्फोटाच्या पेपर्सवर सह्या करेन; पण माझ्या काही अटी आहेत. पहिली अट या सहा महिन्यांत तुम्ही मला सन्मानाने वागवाल. माझा आदर कराल. मान्य आहे, मी तुम्हाला तुमच्या आयुष्यात नको आहे; पण मी माझा सन्मान तरी जपू शकते नां? माझ्या स्वाभिमानाला धक्का लागणार नाही याची तुम्ही काळजी घ्याल. दुसरी अट मी पूर्वीसारखीच माझी आताची नोकरी मी चालू ठेवेन. घरी बसून राहणार नाही. माझ्या स्वातंत्र्यावर कोणीही गदा आणणार नाही. आणि सर्वात महत्वाचं म्हणजे आपण ही बेडरूम जरी शेअर करत असलो तरी आपण नवरा बायकोसारखं वागू शकत नाही. आपल्यात कायम अंतर राहील. आणि सहा महिने झाले की, त्या क्षणी या घरातून मी बाहेर पडेन. तेंव्हा कोणी मला थांबवायचं नाही. त्यावेळी तुमच्या घरच्यांना काय सांगायचं हा सर्वस्वी तुमचा प्रश्न.. बोला हे मान्य आहे तुम्हाला?”