तुम्ही असे एकत्र राहता! _ भाग २

आत येताना अजयचे डोळे मकरंदच्या आठवणीने पाणावले. दोघं अगदी जिवाला जीव देणारे मित्र होते. सर्वांनी दोघांना खाली वाकून नमस्कार केला. सर्वांना एकत्र पाहून अजयला खूप छान वाटलं. मकरंद नेहमी म्हणायचा. माझी ऐहिक संपत्ती खूप आहे पण माझी खरी संपत्ती कायम एकजुटीने राहणारी माझी मुलं. माझी इच्छा आहे की ह्या सर्वांनी कायम एकत्र रहावे. मी असेन नसेन, पण तू अधूनमधून येऊन माझ्या मुलांवर लक्ष ठेव. खरं तर म्हणूनच मकरंदचे दिवसकार्य झाल्यानंतर अजय आज आला होता.