टर्निंग पॉइंट भाग १

सीमाताई आणि अशोकराव.... सीमाताई गृहिणी तर अशोकराव एका प्रायव्हेट कंपनीत नोकरीला होते.  घरची परिस्थिती तशी खावून पिऊन सुखी होती.  समीर, स्निग्धा त्यांची मुलं दोघेही हुशार.  समीर बारावीत चांगल्या मार्कानी पास झाला आणि सरकारी इंजिनिअरिंग कॉलेजमध्ये त्याची ऍडमिशन ही झाली. चार वर्ष कसे गेले कळले च नाही. त्यांनंतर त्याने सरकारी नोकरी मिळावे म्हणून प्रयत्न सुरू केले. सरकारी नोकरीसाठी, परीक्षा देत होता. रात्रंदिवस एक करून, खूप मेहनत करत होता. अखेर प्रयत्नांना यश आलं आणि तो आता तो इंजिनीयर म्हणून सरकारी डिपार्टमेंट मध्ये रुजू झाला होता. स्निग्धाने दहावीनंतर डिप्लोमा साठी ऍडमिशन घेतली होती.