तुझाच मी भाग दोन (अंतिम)

तिने मान हलवत नकार दिला. तो तिला अजून काही विचारणार इतक्यात कॉलेजमधील तरुणांचा मोठा घोळका तिथे आला.  आधीच गर्दी असल्यामुळे धक्काबुक्की झाली आणि साधना तोल जाऊन खाली पडणार इतक्यात नीरजने तिला आपल्या हातांमध्ये झेलले...........तो स्पर्श....... तो सुगंध तो अनुभवत होता.  तिचा स्पर्श ओळखण्यासाठी त्याने तिला अजून अलगद जवळ ओढले आणि तिचे हात हातात घेतले.....ती आजूबाजूच्या धक्काबुक्कीने गोंधळली होती. तिने पटकन आपले हात सोडवले व स्वतःला सावरून ती उभी राहिली....तिच्या हृदयात धडधड वाढली.  तो मात्र मंत्रमुग्ध होऊन तिला पाहतच राहिला... त्याचे प्रेम त्याच्या अगदी जवळ उभे होते..... त्याच्या डोळ्यात आनंदाश्रू उभे राहिले.... त्याने तिला ओळखले याबाबतीत साधना अनभिज्ञ होती.... कंडक्टर तिकीट द्यायला पुढे आला. ती पैसे काढून कंडक्टरलां देणार इतक्यात नीरजने नोट पुढे केली आणि तो म्हणाला,