त्या वळणावर भाग 3

“तो म्हणाला की, ‘आम्ही मुंबई सोडल्यावर पुण्याच्या अलीकडेच फूडकोर्टला थांबलो होतो. साधारण तासभर तिथे वेळ घालवला. त्यामुळे ड्रायव्हर तसा फ्रेश झालेला होता. बस फुल होती म्हणून मी ड्रायव्हरच्या शेजारच्या जागेवर बसलो होतो. आम्ही दोघे छान गप्पाही मारत होतो.
एक चार/पाच किलोमीटर पुढे आल्यावर आम्हाला त्या अंधारात सुनसान हायवेवर एक तरुण मुलगी एकटीच उभी दिसली. पण त्याकडे सुरूवातीला दुर्लक्ष केलं. आणि ड्रायव्हर म्हणाला सुद्धा एवढ्या रात्री एकटी तरुण मुलगी हायवेवर काय करेल? भास असेल. ती मुलगी मी पण बघितली होती, पण मी काही बोललो नाही.