त्या वळणावर

कॉलेजच्या पहिल्या वर्षाला प्राजक्ता होती. त्या दिवशी प्राजक्ताला घरून निघायला उशीर झाला होता , वाटेत तिच्या सायकलची चेन निघाली खाली बसून ती चेंन ला फ्री व्हील मध्ये अडकवायचा प्रयत्न करत होती पण ते काही जमत नव्हते. त्यात ओढणी पण व्हील मध्ये अडकली होती.
'मी काही मदत करू का?' आवाजाच्या दिशेने तिने पाहिले मोटरसायकल वर एक तरुण उभा होता स्मार्ट सावळा ,कुरळ केसांचा.
'नको ,मी करते' म्हणत प्राजक्ता परत सायकलचे पेडल उलट फिरवू लागली,तेवढ्यात सायकल स्टॅन्ड वरून घसरली व तिच्या अंगावर पडली.
तिच्यावर पडलेली सायकल त्या तरुणाने उभी करून तिची ओढणी अलगद सोडवली व चेन लावून प्राजक्ताला हात देऊन उभ केलं.