त्यांच्या प्रेमाची गोष्ट भाग ३

मगं शिवच्या आईने बोलायला सुरूवात केली होती. श्रीमंत मुलगा बघून त्यांचे हात लवकरच पिवळे करण्यात आले होते. आता मुलगी सुखात नांदेल म्हणून त्यांचे आई वडील निवांत झाले होते. पण श्रीमंतीचा दिखावा जास्त दिवस टिकू शकला नव्हता. मुलगा व्यसनी निघाला होता. मगं काहीचं दिवसात भांडणं, मारहाण सुरू झाली होती. दोन वर्षांनी शिव नावाचं रत्न जन्माला आलं पण बाकी परिस्थिती होती तशीच राहिली होती. दारूमुळे जवळची संपत्ती संपल्यात जमा होती. पुढे काही दिवसांनी तिचा नवरा कॅन्सरने निधन पावला. सासू सासर्‍यांनी पांढऱ्या पायाची म्हणून तिला घरी ठेवली नव्हती. माहेरची गरिबी तर तिला माहितीचं होती. मगं तिने शहराचा रस्ता धरला. मिळेल ते काम पकडून शिव आणि स्वतःचे पालनपोषण केलं.