उबदार घरटेभाग -३

“जेव्हा मी लग्न करून या घरात आले तेव्हा तू इथे होतीस त्यामुळे नाही म्हटलं तरी आईंना एका आधार होता. मात्र तुझं लग्न झाल्यानंतर त्यांना स्वतःलाच एकटं पडल्यासारखं वाटलं. संसाराच्या अर्ध्यावर बाबांनी त्यांची साथ सोडली तेव्हापासून त्या एकटीने सगळं काही सांभाळत होत्या. हे घर घरातील प्रत्येक वस्तू त्यांनी मायेने जपली; पण आता सुनेचे राज्य आल्याने आपलं काही चालेल की नाही अशी कुशंका त्यांच्या मनात निर्माण झाली आणि त्यामुळेच हल्ली त्यांचा प्रत्येक गोष्टीत ‘मी’ ‘माझं’ हे सुरू असतं.