उत्साहाचा खळखळता झरा.. मीनाक्षी ताई

तसे पाहिले तर,चॅम्पियन ट्रॉफी २०२३ मधील सगळ्याच फेऱ्या ह्या आव्हानात्मक आणि खूप काही शिकवून जाणाऱ्या होत्या. जलद कथा फेरीत त्यांनी सद्य परिस्थितीवर लिहिलेली आणि सकारात्मकतेचा संदेश देणारी 'सूर्योदय' हि कथामालिका वाचकांना खूप आवडली. दीर्घकथा लिहिण्यात देखील त्यांनी हिरहीरीने 'श्शू! आवाज कोणाचा?' हि रहस्यमय कथा लिहिली आणि वाचकांचे त्यावर खूप प्रेम मिळविले. त्यांनतर जेव्हा वेळ आली ती स्टँड अप कॉमेडी करायची तेव्हा त्यांनी वेगवेगळ्या गमतीशीर किस्से सांगत त्यांची विनोदबुद्धी आणि योग्य वेळी पंचेस टाकत खूप मज्जा आणली. चॅट संवाद फेरीमध्ये त्यांनी लिहिलेला ' सासूबाईंचे काम भारी देवा !' हा दोन मैत्रिणींमधील संवाद नकळत वाचकांच्या चेहऱ्यावर हसू आणण्यात यशस्वी झाला.
"सुप्रिया काळजी घेत जा तब्येतीची पासून ते सुप्रिया हे कधीपर्यंत लिहून देशील तुझे राहिले आहे बघ" असे हक्काने आणि प्रेमाने विचारपूस करणारे आणि वेळीच चूक सुधारण्यासाठी चूक दाखविणारे आमचे गोड नाते हे ह्या चॅम्पियन ट्रॉफीच्या निमित्ताने जुळले. हे बंध आता दिवसागणिक घट्ट होत आहेत. ताईंचा स्वभाव म्हणजे प्रत्येक क्षण भरभरून जगणाऱ्या लहान मुलांसारखा आणि कुणी नियम मोडत आहे पाहून क्षणात रागवणाऱ्या अनुभवी मोठ्या व्यक्ती सारखा आहे.
"एज इज जस्ट ए नंबर" हे ज्यांच्याकडे पाहून नेहमी जाणवते अश्या आमच्या ईरा परिवारातील लाडक्या अनुभवी लेखिका मिनाक्षी ताई. आपल्या दोघींचे हे गोड रेशमी बंध असेच बहरत जावे हिच सदिच्छा व्यक्त करते.ताई सगळे काही करा पण हो त्या सोबत तब्येत देखील सांभाळा. कधीकधी खूप ताण घेता तुम्ही तेव्हा आम्हाला तुमची काळजी वाटते. असेच विविध विषयावर लिहीत रहा. मला आणि सगळ्या वाचकांना वाचायला नक्की आवडेल. तुझ्यात लपलेला अवलिया कलाकार सगळे काही लिलया पेलू शकतो हे लक्षात ठेव.आपले जे हे सुंदर कुटुंब तयार झाले आहे ते कायम सोबत राहावे हि इच्छा नक्कीच आहे. लव्ह यू मीनाक्षी ताई.
शेवटी इतकेच म्हणावेसे वाटते...