कथा-वारी भाग १

तेवढ्यात त्याच्या कानावर शब्द पडले ."साहेब !चला ना आमच्या घरी". एक छोटा दहा वर्षाचा मुलगा व एक छोटी सहा वर्षाची चिमुकली त्याला उठवत होती .त्या मुलांनी पाहिले होते की वारीतला कोणी ना कोणी गावात जाऊन येत होता...
कैलास उठून बसला. त्याने त्या छोट्या मुलांकडे पाहिले. कैलास साहेबा सारखा दिसत होता. शर्ट पॅन्ट, मनगटाला उंची घड्याळ.
"काय रे बाळांनो! नाव काय तुमचं?" "साहेब! माह्यं नाव प्रल्हाद. अन् हिचं नाव प्रेमा. आम्ही दोघं बहिण भाऊ". "घरी कोण कोण आहे तुमच्या "?"आमची माय अन् आम्ही. चला ना आमच्याकडे!" कैलास ला त्यांचा आग्रह मोडवेना. तो त्या चिमुकल्यांच्या सोबत त्यांच्या घरी जायला निघाला...