वाड्यात येऊन जा.. भाग ६

"जेवल्यावर मला झोप येते. रविवारी तर जास्तच. आर्यन, मी जेवतो, झोपतो. तू जा हिला घेऊन. कुठे अडकलास तर कळव मला. मी येईन सोडवायला." अक्षत हसत म्हणाला. त्याचे बोलणे ऐकून आर्यनचा जीव भांड्यात पडला. पहिल्यांदाच त्याला कोणती तरी मुलगी आवडली होती. आणि तिच्यासोबत वेळ घालवताना त्याला मध्ये कोणीच नको वाटत होतं. अक्षतने त्याचे मन ओळखून ही संधी त्याला दिली होती. क्षणात त्याचे मन कृतज्ञतेने भरून आले.