वाड्यात येऊन जा.. भाग १७

"गावी असतानाच माझ्या बाबांचा जन्म झाला होता. सुरुवातीची काही वर्ष तरी ते तिथे रहात होते. त्यामुळे जसा आजोबांना इनामदार म्हणून मान मिळायचा तसाच बाबांनाही मिळाला होता. काही गोष्टी अनुवंशिक असतात त्याच बाबांनाही मिळाल्या. काम न करण्याची अनुवंशिकता. आजोबा काय किंवा बाबा काय.. पैसे मिळवायची वृत्ती नव्हती पण आजी जो पैसा आणायची तो पैसा मात्र उडवायला दोघांनाही आवडायचा. म्हणजे मी आणि चिऊ.. दोघेही भातासाठी रडत असलो तरी बाबांना आणि आजोबांना मात्र त्यांच्या पोळीवर तूप आहे की नाही याची काळजी असायची." बोलता बोलता विराजचा आवाज भरून आला.