वाड्यात येऊन जा.. भाग ४१

"त्याआधी मी सरकारात अर्ज करतो ती जागा मला देण्यात यावी म्हणून." चंद्रसेनाने ती जागा मागितल्यावर सगळ्यांना आश्चर्य वाटले. कारण कितीतरी वर्षे ती जागा ओसाड पडली होती. आता तो समोरून मागतो आहे म्हटल्यावर लगेचच इनामपत्रे तयार झाली. एकाबाजूला सरकारातून या गोष्टीला मान्यता मिळाली तर दुसरीकडे गोविंद भटांची तयारी झाली होती. निर्जळी उपवास आणि साधना करून ते सामर्थ्य वाढवत होते. शेवटी तो दिवस उगवला. सकाळपासून त्या जागेवर घुबडांनी घूत्कार करायला सुरुवात केली. कुत्री आजूबाजूला येऊन रडू लागली. अनेक कावळे तिथे येऊन घिरट्या घालू लागले. घरातून बाहेर पडताना अनेक अशुभ इशारे गोविंद भटांना मिळत होते. पण कशालाही न घाबरता ते त्या जागेच्या दिशेने चालले होते. त्यांच्या पाठोपाठ चंद्रसेन आणि महादेवही होता. मदतीला म्हणून त्यांनी राजवर्धनला बोलावले होते.
त्या परिसरात प्रवेश करण्याआधी गोविंद भटांनी तिघांनाही एक मंतरलेला रूद्राक्ष दिला.