वाड्यात येऊन जा.. भाग ४५

"आर्यन, एकटं जाण्याची गरज नाहीये. सोबत कोणीतरी असलेलं बरं. आणि कुठे दूर जायचे आहे? जाऊन याल ही लगेचच." माधवराव म्हणाले. त्यांचा शब्द आर्यन मोडू शकला नाही. नाईलाजाने जुईसुद्धा त्याच्यासोबत जायला निघाली. दोघेही खोलीबाहेर आले. आणि नीताताईंच्या खोलीच्या दिशेने चालू लागले. आर्यन पुढे चालत होता. जुई मागे राहिली होती. तिने रामरक्षा पुटपुटायला सुरुवात केली होती. दोघे मधोमध आले असतील तोच पाठून कसलातरी आवाज आला. तो आवाज ऐकून जुई घाबरली. सगळी लाज, रागलोभ सोडून ती त्याला जाऊन बिलगली.