वहिनीचे प्रेम

आता निर्मिती हळूहळू हळूहळू शुभदाचा जवळ येत होती ,आणि तितक्यात ती म्हणाली ,"असे बरे समजणार नाही तिला तुझे नाते ,तिला नाही समजले तर मी आहे ना तिला सांगायला ,ही तुझी मामी आहे..तिने तुझ्यासाठी किती कष्ट घेतले आहे.. तू व्हावी म्हणून किती मंदिराचे उंबरे झिजवले आहेत..तिची आई वेडी होती म्हणून बऱ्याचदा तिला आपल्या ह्या महत्वाच्या प्रेमळ नात्याची किंमत नाही कळली..पण आज कळली ती किंमत..वहिनी मी चुकत गेले तेव्हा तू समजवत गेली, पण तेव्हा वाटले की तू मुद्दामच माझ्या मध्ये आणि दादा मध्ये भांडण लावत आहेस...तुला मी कधीच आमच्या घरातली समजले नाही..तुझी स्तुती केली गेली तर मी आईला ही भांडायचे...तिला म्हणायचे तू माझी आई नाहीस तू वहिनीची आई शोभतेस... आणि आता वाटते आई तर आई होतीच पण तूच माझी खरी आई शोभतेस... किती करतेस माझ्या साठी..आयुष्य कमी पडेल तुझे ऋण फेडायचे ठरवले तर..."