वैखरी एक प्रेमकथा भाग -७

          आहात ?".

सुहित : "मजेत आहोत .स्वरा तुझा अभ्यास कसा सुरु आहे ."
स्वरा : " छान सुरु आहे दादा . मी आणि वैखरी सोबत अभ्यास करतो . वैखरी अभ्यासात खूप हुशार आहे . अगदी वसंत दादासारखी .मदत करते वैखरी मला अभ्यासात अडचण आली तर ."
सुहित : " अरे वा! छानच . तू वैखरीकडे जातेस का गं कधी कधी अभ्यासाला . "
स्वरा : "नाही दादा . मी अजूनही वैखरीकडे गेलेले नाही . तिनी कधी बोलवलाही नाही ."
सुहित : असं कसं ? एवढ्या पक्क्या मैत्रीणी तुम्ही.    तरी तू वैखरीचं घरही बघीतलं नाहीस .
स्वरा :" हो नं ती कधी घरी ये वगैरे म्हणनाही . ती घरी न्यायचं टाळते . तिच्या घरी  खूप  स्ट्रीक्ट वातावरण असावं असा माझा  अंदाज आहे ."
सुहित :" हो गं . जरा वेगळीच आहे वैखरी .              इंजिनिअरिंगची मुलगी अन् मुलांशी मैत्री करायला आवडत नाही . कॉलेजमध्येही मुलांशी बोलत नाही का ?"
स्वरा : "नाही फारशी नाही बोलत . कामाशी काम      ठेवते. मैत्री वगैरे नाही . तशी स्वभावानी  बोलकी आहे पण मुलांशी वागतांना एक  लक्षणरेषा आखून घेतल्यासारखं तिचं वागणं आहे ."
सुहित : "घरी कोणकोण असते वैखरीच्या ".
स्वरा : "आईबाबा, आत्या व वैखरी ".
सुहित : "बाबा काय करतात वैखरीचे?"
स्वरा : " मोठे बिझीनेसमॅन आहेत . खेड्यावर भरपूर शेती आहे तिच्याकडे ."
सुहित : "आडनाव काय गं वैखरीचं ?".
स्वरा : "देशमूख ."
सुहित : "अच्छा !"
स्वरा : "तू का विचारतोस ?"
सुहित : "अगं तिचं वागणं वेगळचं आहे म्हणून काय  सस्पेंन्स पर्सनालिटी आहे म्हणून उत्सुकतेनी विचारलं  त्यात तुझी खास मैत्रीण . माझी  लाडकी बहिण कुणासोबत राहते माहिती नको का ठेवायला ."